विश्वकै सस्तो स्मार्टफोन ( २ सय ५२ भारतीय रुपियाँ ) नाम फ्रिडम २५१

 प्रकाशित: असार २३, २०७३

भारतमा यो २ सय ५२ भारतीय रुपियाँमा पाइन्छ । सस्तो मूल्यकै कारण संसारभरका सात करोड मानिसले अनलाइनमार्फत यो फोनको बुकिङ गरेका थिए । कम्पनीले घोषणाकै बेला यो फोनको डेमो सार्वजनिक गरेको थियो । यही सातादेखि विश्वकै सस्तो दाबी गरिएको यो फोन प्रयोगकर्ताको हातमा पुग्ने भएको छ ।

फ्रिडम २५१ नाम  दिइएको यो फोनको विशेषता के छ ? यसमा एन्ड्रोइड अपरेटिङ सिस्टम हुनेछ तर यसको डिजाइन आइफोन–५ को जस्तो छ र एपहरूको आइकन पनि आइफोनकै जसरी डिजाइन गरिएको छ । फोनमा चार इन्चको डिस्प्ले, एक जीबी र्‍याम, अगाडि र पछाडि भागमा क्यामेरा र आठ जीबी इन्टर्नल स्टोरेज रहनेछ, जसलाई ३२ जीबीसम्म बढाउन मिल्नेछ ।

यो फोनमा भारत सरकारका विभिन्न योजनाको जानकारी दिने केही एप र धेरै प्रयोगकर्ताले प्रयोग गर्ने अन्य एप प्रिइन्स्टल हुनेछ । ताइवानबाट सामान मगाएर भारतको हरिद्वारमा मोबाइल एसेम्बल गरिएको यसको निर्माता कम्पनी रिंङगिङ बेलले जनाएको छ । यो फोनको घोषणा हुँदा धेरैले यसलाई हास्यास्पद भनी व्यंग्य गरेका थिए । केही प्रयोगकर्ताले त्यति सस्तोमा फोन पाउने कुरा नपत्याएपछि कम्पनीले अनलाइनमार्फत प्रि–अर्डर गरेका ३० हजार जनालाई पैसा फिर्ता गर्नुपरेको थियो । सस्तो मूल्यमा बिक्री गरिए पनि यो फोन बनाउँदा प्रतिफोन १ हजार १ सय ८० भारतीय रुपियाँ लागेको कम्पनीले जनाएको छ ।

संसारको रमाइलो ठाउँ हेर्नु होल