६ वर्षे बालकको प्रतिभा यस्तोः एक महिनामा कमाउँछन् १ लाख

‘हुने बिरुवाको चिल्लो पात’ सायद यो भनाई यस्तै बालकलाई वर्णन गर्नका लागि बनाइएको हो। हुन त यी बालकको उमेर ६ वर्ष हो, तर उनीभित्रको प्रतिभा कुनै वयस्क वा परिपक्क व्यक्तिको भन्दा कम छैन । यी बालक आफ्नो यहि प्रतिभाले महिनामा १ लाख रुपैयाँ कमाउँछन् । उनले एक ‘कुकरी सो’ गर्नुका साथै सोसल मिडियामा पनि निकै ट्रेन्ड गरिरहेका छन् । ६ वर्षीय साना सेफ निहाल–राजलाई खान बनाउने शौख छ । उनको ‘लिटिल सेफ’ को रुपमा संसारभरी परिचित हुने रहर छ । ‘किच्याटयूब’ मा राखिएको उनको भिडियोमार्फत उनले लाखौं कमाउने गर्दछन् ।

निहाल केही वर्ष अघि आफ्नी आमालाई किचनमा सहयोग गरिरहेका थिए । त्यहि क्रममा उनका बुवाले उनको भिडियो बनाएर आफ्नो फेसबुक पेजमा सेयर गरे । मानिसहरुले जब उनको यो भिडियोलाई मनपराए र सकारात्मक टिप्पणी दिए तब निहालका बुवाले यूट्युब च्यानल ‘किच्याटयूब’ बनाउने निर्णय गरे । जसमा निहालको भिडियो राख्न थालियो । निहाल राजको जनवरी सन् २०१५ मा युट्युब च्यानल लञ्च भयो ।

उनी युट्युब च्यानलमा आफ्नै ‘कुकरी शो’ पनि चलाउँछन् । उक्त कार्यक्रममा उनी नौला खानेकुरा बनाउँछन् । नुनिलो खानेकुराभन्दा उनी डेजर्ट बनाउन शौखिन छन् । मिकी माउस म्यागो रेसिपीबाट उनले फेसबुकमा निकै चर्चा कमाए । त्यसपछि उनले प्रत्यक्ष कार्यक्रम गर्न सुरु गरे । निहाल राजको भिडियो सेयर गर्नका लागि फेसबुकमा एउटा स्लट पनि दिइयो । यो स्लटमा पनि उनलाई २ हजार डलर दिइयो ।by-http://www.nayakhabar.com/

भारतीय बालगृहमा छट्पटाउँदै ३२ नेपाली बालक

By Unknown 3:00:00 AM No comments

भारत बिहार राज्यस्थित मुजफ्फरपुरको एक बालगृहमा पुर्‍याइएका ३२ जना नेपाली बालकले आफूहरूलाई घर फिर्ता गरिदिन आग्रह गरेका छन् । घरबाट भागेर र आफन्तको प्रलोभनमा भारत पुगेका पाँचदेखि १५ वर्षका बालकलाई त्यहाँको बालगृहमा राखिएको छ । आफन्तले मजदुरीका लागि लगेका नेपाली बालकलाई भारतको मुजफ्फरपुर जिल्लाको सिकन्दरपुरस्थित निर्देश नामको बालगृहमा राखिएको छ ।
विभिन्न होटेल र कारखानामा मजदुरी गर्दै आएका ती बाल श्रमिकलाई प्रहरीले संरक्षणका लागि बालगृहमा बुझाएको थियो । घरको ठेगाना बताउन नसक्ने उनीहरू अभिभावक पनि सम्पर्कमा नआएपछि बालगृहमै बस्न बाध्य छन् । तीन महिनासम्म उक्त बालगृहमा रहेका दैलेखका तीनजना बालकको भने उनीहरूका आफन्तद्वारा उद्धार गरिएपछि ३२ जनाको अवस्था सार्वजनिक भएको हो ।

भारतीय बालगृहमा छट्पटाइरहेकाहरुके उद्वारका लागि आवश्यक कागजात नहुँदा समस्या । दैलेख, बाँके, पर्सासहित देशका विभिन्न जिल्लाका बालक बालगृहमा छट्पटाइरहेको र उनीहरूको उद्धारका लागि आवश्यक कागजात नहुँदा समस्या भएको छ ।by---http://www.nayakhabar.com/

बालकको पिठ्यूमा तेस्रो हात, भगवान मानेर पूजा

By Unknown 2:44:00 AM No comments

संसारमा विचित्रको घटनाहरु देखा परिरहेका हुन्छन्। मानिसहरुको दुई वटा हात मात्रै हुन्छ। तर तनहुँमा एउटा यस्तै घटना भएको छ। २ वर्षको बालक गौरबको पिठ्यूमा तेस्रो हात बनेको छ।
पिठ्यूमा हात भएपछि आएपछि उनलाई सुत्न र भुईमा पल्टिलन निक्कै गाह्रो भएको छ। यसलाई हटाउन चिकित्सकले सर्जरी गर्नु पर्ने बताए पनि धेरै गाह्रो रहेको बताएको छ। बालकलाई कुनै पनि कपडा फिट भइरहेको छैन। चिकित्सकका अनुसार बालकको जन्जात नै मेरुदण्डमा अर्को हात पलाएकोले सर्जरी गर्न निक्कै गाह्रो छ।

गौरवको स्पाइनल कडमा समस्या भएकाले यसका साथै यसको सर्जरी गर्न मुस्किल हुने बताए। यस्तै धेरै खर्च लाग्‍ने भएकाले पारिवारको आम्दानी निक्कै कम भएकाले उपचार गर्न नसक्‍ने बताएका छन्।

साथै चिकित्सकले बालकलाई स्पाइना बिफिडा कंडिशन समेत हुने सक्‍ने बताएका छन्। गौरबको आमाले उपचार खर्च जुटाउन नसक्‍ने भने पनि उनलाई हेर्नकै लागि धेरै मानिसहरु आउने गरेका छन्।

भगवानको अर्को रुप भन्दै उनलाई पूजाअर्चना समेत गर्दै आएका छन्। के हो यो स्पाइना बिफिडा कंडिशन रु स्पाइना बिफिडा नाम यस्तो अवस्था करीब १५ सय बच्चा मध्ये करिब एक जनालाई हुने गर्दछ।

by---http://www.nayakhabar.com/

मोबाइलमा रिचार्ज गरे बराबर नै ‘क्यास ब्याक’ पाइने( नयाँ मोबाइल एप्स ‘रिचार्जर’ सोमबार सार्वजनिक गरेको छ।)

By Unknown 9:28:00 PM No comments

अब जति रुपैयाँको मोवाइल रिचार्ज गर्यो त्यति नै क्यास ब्याक पाउन सकिने भएको छ। दशैं तिहारको अबसरमा ग्लोबल की टेक्नोलोजी प्रालिले मोबाइल रिचार्ज गर्दा रिचार्ज बराबर नै क्यास ब्याक दिने नयाँ मोबाइल एप्स ‘रिचार्जर’ सोमबार सार्वजनिक गरेको छ।
एप्स प्रयोगकर्ताले एनटिसी अथवा एनसेल मोबाइल रिचार्ज गर्दा सोही रकम बराबरको क्यास ब्याक प्राप्त गर्ने कम्पनीले जनाएको छ। यसरी जम्मा भएको क्यास ब्याक रकम अनलाइन सपिङ गर्दा, फिल्म हेर्दा, रेष्टुरेन्टमा खाँदा, फ्लाइट बुक गर्दा तथा एप्सले उपलब्ध गराउने अन्य सेवामा खर्च गर्न सकिने छ।
यो एप्स एन्ड्रोइड प्रयोगकर्ताले गुगल प्लेस्टोर बाट र आइओएस प्रयोगकर्ताले एप स्टोरबाट निःशुल्क डाउनलोड गर्न सक्ने छन्।
ग्लोबल की टेक्नोलोजी प्रालिका अध्यक्ष अलाइभ ग्लाइडरका अनुसार एन्ड्रोइड फोन प्रयोगकर्ताले जुनसुकै स्रोतबाट मोबाइल रिचार्ज गरे पनि बिना इन्टरनेट क्यास ब्याक प्राप्त गर्न सक्नेछन्। उनले यो एप्स स्मार्टफोन प्रयोगकर्तालाई लक्षित गरी ल्याएको बताए।
उनले एप्समार्फत अनलाइनमा खरिद गरिएको सामानको डेलिभरी घरमै गर्ने व्यबस्था मिलाइएको समेत बताए। यो एप्समार्फत अनलाइन मोबाइल रिचार्ज, अफलाइन डाटा प्याक खरिद, सुनचाँदीको मुल्य, बिनिमय दर, सेयर बजार तथा बजारमा आएका नयाँ नयाँ फेसन ब्राण्डको बारेमा जानकारी समेत पाउन सकिने कम्पनीका प्रबन्ध निर्देशक टिकाराम बुढाथोकीले बताए।by--http://www.annapurnapost.com/

१० कक्षालाई एसईसी र १२ कक्षालाई एसएलसी

By Unknown 4:39:00 AM No comments

अहिले कक्षा १० का विद्यार्थीले दिने परीक्षाको नाम सेकेण्डरी एजुकेशन सर्टिफिकेट (एसईसी-SEC) र कक्षा १२ को परीक्षालाई एसएलसी (SLC)भनिने भएको छ ।
नयाँ शिक्षा ऐनले अन्र्तरगत विद्यालय शिक्षाको तहगत परिवर्तन गरेको अवस्थामा ऐन आएको ४ महिना पछि बल्ल शिक्षा मन्त्रालयले नाम टुङ्ग्याएको हो । शुक्रबार सरोकारवालाहरु सहित भएको छलफल पछि मन्त्रालयले दुवै तहको नाम टुङ्ग्याएको हो ।
छलफलमा शिक्षा मन्त्री धनिराम पौडेल, राज्यमन्त्री धनमायाँ विक सहित शिक्षाविद्, अभिभावक, शिक्षक संघ संगठनका प्रतिनिधि लगायत मन्त्रालयका सहसचिवहरुको सहभागिता रहेको थियो ।
छलफलले पुरानै संरचना अनुसार रहेको परीक्षा नियन्त्रण कार्यालयले कक्षा १० को परीक्षा सञ्चालन गर्ने र कक्षा १२ को परीक्षा राष्ट्रिय परीक्षा बोर्डले गर्ने गरी टुङ्ग्याएको सदस्य सचिव सूर्य गौतमले बताए ।
ऐन आएको यतिका समय सम्म पनि परीक्षा बोर्डमा अध्यक्ष लगायतका सदस्यहरुको नियुक्ति हुन नसक्नु, बोर्डले आफ्नो कामलाई क्षेत्रीय तहमा विस्तार गर्न नसक्नु लगायतका कारण यसपटक कक्षा १० को परीक्षा पुरानै संरचना अन्र्तगत लिन लागिएको हो । गत बर्ष सम्म परीक्षा लिएको नियन्त्रण कार्यालयका क्षेत्रीय कार्यालयहरु मार्फत् नै कक्षा १० को परीक्षा लिईने छ ।
ुयस बर्षका लागि ब्यवस्थापन गरिएको हो, अर्को बर्षबाट विद्यालय तहको परीक्षाको सम्पूर्ण काम बोर्डले नै गर्छु गौतमले भने, “आजको निर्णयले अहिले कक्षा १० मा पढ्ने विद्यार्थी र तिनका अभिभावकको अन्यौल हटाएको छ, बाँकी निर्णय हामी छिट्टै गर्छौ ।”
ऐन आएको यतिका समय सम्म निर्णय गर्न नसक्ने शिक्षा मन्त्रालयले चाँडै निर्णय गर्ला भन्ने पत्याउने आधार नभएको भन्दै आलोचना हुँदै आएको छ ।
काम गराई सुस्त भएको भन्दै शिक्षाविद् प्रा।डा। मनप्रसाद वाग्लेले मन्त्रालयको आलोचना गरे । ऐन आएपछि त फटाफट काम गर्नु पर्नेमा मन्त्रालय कछुवा तालमा छु उनले भने, “ऐन आउँदै छ भन्ने कुरा पहिल्यै थाह थ्यो, प्रभावकारी काम गर्ने हो भने पहिल्यै तयार हुनु पथ्र्यो भएन ऐन आएको यतिका समय सम्म पनि झिना मसिना कुरामै अल्मलिनु भनेको लाजमर्दो हो ।”by-http://www.nepaljapan.com/

अनौठो मन्दिर, जसले महिलाको कपाल बेचेरै वर्षको २ अर्ब कमाउँछ(२०७३ कार्तिक ५ )

By Unknown 2:42:00 AM No comments

मन्दिरको आयश्रोत के हो ? अवश्य पनि दान तथा भेटी । तर यो दुनियामा एउटा यस्तो मन्दिर पनि छ जसले महिलाको कपाल बेचेर अरबौँ आम्दानी गर्दछ ।

मन्दिरले महिलाको कपालको व्यापार गर्दछ भन्ने सुन्दा उक्त मन्दिरप्रति नै नकारात्मक धारणा बन्नु स्वभाविकै हो । यस्तो सुन्दैमा अनौठो तथा अपत्यारिलो लाग्नसक्छ । तर यो सत्य हो की दक्षिण भारतको एक मन्दिरले वर्षेनी करोडौ भारुको व्यापार गर्नेगर्छ महिलाको कपालको ।

उक्त मन्दिरको नाम हो तिरुमाला । मन्दिरमा वर्षेनी हजारौँ महिलाले आफ्नो कपाल काटेर भगवानलाई श्रद्धापूर्वक चढाउँदछन् । सोही कपाललाई बेचेर उक्त मन्दिरले वर्षेनी २ अर्ब २० करोड रुपैयाँ आम्दानी गर्दछ । महिलाको कपाल विदेशमा निर्यात गर्दछ मन्दिरले । कपाल निर्यातबाट प्राप्त रकमबाट मन्दिरले अस्पताल तथा विद्यालय निर्माण गरेको छ ।

त्यस्तै यादगिरगट्टा मन्दिरले पनि महिलाको कपालको व्यापार गरेर लाखौँ रुपैयाँ कमाउँदछ ।

स्मरण रहोस् मन्दिरमा धेरै महिलाहरुले भगवान विष्णुलाई आफ्नो प्राकृतिक कपाल चढाउँदछन् । त्यसरी मन्दिरमा कपाल चढाउने महिलाहरुले आफ्नो कपालमा मेहेन्दी तथा अन्य केमिकल लगाएका हुँदैनन् र त्यस्तो अर्गानिक कपाललाई ब्लीच गर्न सजिलो हुन्छ । साथै दक्षिण भारतमा महिलाहरुले कपालमा स्याम्पु समेत कम लगाउने हुनाले कपाल दहि्रलो हुन्छ र टुट्ने जोखिम पनि कम हुने र कालो रंगको हुनाले त्यस्तो कपालको बजारमा माग उच्च हुन्छ । बेलायतका विभिन्न पार्लरहरुमा दक्षिण भारतीय ती मन्दिरहरुका कपालको उच्च माग रहेको बताइन्छ ।

कपालको यो व्यापारबाट धेरै मालामाल भएका छन् र कपाल माफियाहरु निकै सक्रिय हुन्छन् । उनीहरुले गरीब महिलाहरुलाई फकाइफुलाई गरेर समेत मन्दिरमा कपाल चढाउन लगाउँछन् । कतिपय महिलाहरुलाई पैसाको लोभ देखाएर, लोग्नेबाट दबाब दिन लगाएर, भगवानको डर देखाएर समेत कपाल दान गर्न बाध्य पारिन्छ ।

।by---http://www.onlinekhabar.com/2016/10/491326/

दीपावली र छठमा सम्पूर्ण शल्यक्रिया निःशुल्क( शुक्रबार, ५ कार्तिक, २०७३ मा )

By Unknown 10:59:00 PM No comments

विराट मेडिकल कलेज टिचिङ अस्पताल टङ्कीसिनबारी विराटनगरले नेपालीको दीपावली र छठ पर्वका अवसरमा चिरेर गरिने सम्पूर्ण शल्यक्रिया निःशुल्क गर्ने भएको छ ।

मेडिकल कलेजले चिरफार गरेर गरिने सम्पूर्ण शल्यक्रिया निःशुल्क गरिएकोे अध्यक्ष डा. ज्ञानेन्द्रमान सिंह कार्कीले बताए । अध्यक्ष डा. कार्कीका अनुसार थोरै खर्चमा धेरै बिरामीले फाइदा लिऊन् भन्ने सो कलेजको मुख्य उद्देश्यले निःशुल्क शल्यक्रिया गर्न लागिएको हो ।

विराट मेडिकल कलेज टिचिङ अस्पतालले अगामी दिनमा विभिन्न गाउँ र बस्तीबीच शिविर सञ्चालन गरेर लक्षित समुदायमा सेवा पु¥याउने पनि अध्यक्ष कार्कीको भनाइ छ । अध्यक्ष कार्कीका अनुसार सो टिचिङ अस्पतालसँग स्तरीय मेसिन र विशेषज्ञ चिकित्सक छन् ।

सो मेडिकल कलेजका व्यवस्थापक प्रमुख कृष्ण कँडेलले गरिब तथा निमुखा जनताका लागि अब सर्वसुलभ र आर्थिक विपन्न भएका परिवारलाई निःशुल्क उपचार गरिने समेत बताए । मेडिकल कलेजले सबै सस्तो र राम्रो उपचार गरिरहेको हुनाले पूर्वाञ्चलका विभिन्न स्थानबाट आउने कोसी राजमार्गमा नै रहेको हुनाले ट्रमा सेन्टरका रुपमा विकास गरिने समेत व्यवस्थापक प्रमुख कँडेलले बताए ।

सो अस्पतालले विभिन्न उपचार, स्वास्थ्य सेवा ओपिडी, जनरल वार्ड, अत्याधुनिक सुविधा सम्पन्न आइसियु, एनआइसियु, शल्यक्रिया थिएटर, गर्भवती जाँच, निःशुल्क डेलिभरी, रक्तसञ्चार÷सञ्चय केन्द्र, अत्याधुनिक प्याथोलोजी, डिजिटल एक्स–रे तथा भिडियो एक्स–रे सेवा, सिटी स्क्यान सेवा र लिथोट्रिप्सी (नचिरीकन किड्नीमा भएको पत्थरीको उपचार गर्ने प्रक्रिया) सेवा साथै दूरबिनबाट पित्तथैलीमा भएको पत्थरी, एपेन्डिक्स तथा पाठेघरको शल्यक्रिया जस्ता रोगको निदान गर्दै आएको जानकारी कलेजका प्रसाशन प्रमुख सुधीरसिंह राठौरले दिए by--http://www.imagekhabar.com/news/latest/hospital/10174

रातिमा बत्ति बालेर सुत्नले रक्तचापमा ,महिलामा स्तन क्यान्सर,तनाव,मधुमेह ,जस्ता खतरनाक हुनसक्ने

By Unknown 12:22:00 AM No comments

मृत्युको कारण धेरै छन त्यसमा पनि बिभिन्न तथ्यहरु पत्ता लाग्दै गएका छन् । यस्तै तथ्य अनुसार रातिको समयमा बत्ती बालेर सुत्नाले हाम्रो स्वास्थ्यमा गम्भीर नकारात्मक असर पर्ने एक अध्ययनले देखाएको छ । विज्ञहरुका अनुसार प्रकाशले शरीरमा औषधिको रुपमा काम गर्दछ । तर औषधि पनि आवश्यकता भन्दा धेरै लिनु हानिकारक हुन्छ । यदि रातको समयमा कृत्रिम प्रकाश हाम्रो शरीरमा कायम भईराख्दा त्यसले निश्चित रुपमा शरीरमा नकारात्मक असर पार्छ । यसले हाम्रो निद्रा प्रभावित हुन्छ जसका कारण हाम्रो रक्तचापमा उतारचढाव आउँछ । कृत्रिम प्रकाशले मस्तिष्कमा पनि प्रभाव पार्छ ।

शोधकर्ताहरुका अनुसार रातमा बत्ती बालेर सुत्नाले सरीरमा क्यान्सर कोशिकाहरु सक्रिय बन्दछन् । रातमा बत्ती बालेर सुत्ने महिलामा अँध्यारेमा सुत्ने महिलामा भन्दा स्तन क्यान्सरको जोखिम २२ प्रतिशतले बढ्ने शोधकर्ताहरुको निष्कर्ष छ । बिभिन्न कारण रातको समयमा प्राकृतिक रुपमा अँध्यारो नै होस् भन्ने सरीरले चाहन्छ । यदि रातको समयमा रातभर नै उज्यालो प्रकाशमा बस्ने र काम गर्ने गरिरहने हो भने केही समयपछि नै सरीरमा विभिन्न खाले नकारात्मक असर पर्दछन् । यसअघिका विभिन्न अध्ययनले रातको सिफ्टमा काम गर्ने मानिसहरुमा तनाव, क्यान्सर, लगायतका समस्याको जोखिम बढ्ने देखाएको छ ।
by--http://www.dcnepal.com/news/news.php?nid=240854

पेटको मोटाइले आयुमा असर

By Unknown 11:55:00 PM No comments

शरीरको मोटोपनले धेरै रोगलाई पनि बास दिइरहेको हुन्छ । अझ बोस्टन युनिभर्सिटी स्कुल अफ पब्लिक हेल्थमा एन्ड्रेव स्टोक्सले एक कदम अगाडि बढेर पेटको मोटाइले मानिसको आयुमा पर्ने असरका विषयमा अनुसन्धान गरिरहेको छ । यही विषयमा कोरियाका केही वैज्ञानिकहरूले गरेको खोजबाट पनि पेटको मोटाइ जति बढी हुन्छ, सोही अनुपातमा मानिसको आयु पनि न्यून हुने निष्कर्ष निस्कने सम्भावना देखिएको छ । त्यसैले पेटको आकार कम हुनेले नबढाउने र बढी हुनेले जति सक्यो छिटो घटाउनु नै बुद्धिमानी हुन्छ ।
मोटो शरीर भएकाको मुटुलगायत अन्य अंगलाई कार्य गर्न दबाब पर्ने हुँदा पनि शरीरलाई असर परिरहेको हुन्छ । विश्व स्वास्थ्य संगठनका अनुसार भोजनमा बढी मासु, चिल्लो प्रयोग गर्नु र हिँडाइ कम गर्नु नै मोटोपनको प्रमुख कारण हुन् । शरीरलाई आवश्यकताभन्दा बढी खाने तर व्यायाम नगर्ने जीवनशैलीले मोटोपनलाई बढाउँछ । अहिले बियरसँग मासु धेरै खाने बानीले कम उमेरमै पेटको आकार बढाएको पाइन्छ । यसले नसुहाउँदो शरीर बनाउनुका साथै उच्च रक्तचाप, हृदयसम्बन्धी र मधुमेहजस्ता रोगहरू
लाग्ने गर्छ ।
किन बढ्छ पेट ?
भोजनमा मैदा, गुलियो पदार्थ, अत्यधिक चिल्लो एवं तेलको प्रयोग गर्नाले मोटोपन बढाउँछ । त्यस्तै, दैनिक लामो समयसम्म कम्प्युटर चलाउने तथा शारीरिक श्रम हुने काम नगर्दा पनि मोटाउन मद्दत गर्छ । कम हिँडाइ, नियमित व्यायाम नगर्नाले शरीरमा अनावश्यक बोसो जम्मा हुन थाल्छ । केही प्रतिशत मोटोपन बढ्नुमा वंशाणुगत कारण पनि हुन सक्छ ।
पेट बढ्न नदिन
शरीरलाई चाहिनेभन्दा बढी क्यालोरीले मोटोपन हुन्छ । त्यसैले अनावश्यक क्यालोरीलाई घटाउनु नै यसको उत्तम उपाय हो । यसका लािग शरीरको क्षमता र रोगअनुसार नियमित मर्निङवाक गर्नु अत्यन्त लाभप्रद हुन्छ । रेसायुक्त खानेकुराको बढी प्रयोगले पनि तौललाई सन्तुलित बनाउँछ । यसका साथै पर्याप्त मात्रामा पानी पिउने, एरोबिक्स, योग, साउना, स्टिम बाथले तौल घटाउँछ ।
युवतीहरू सुन्दर देखिने होडमा खानेकुरा कम खाइ डाइटिङ गर्ने गर्छन् । कम खानु स्वास्थका दृष्टिले राम्रो हो, तर सुन्दर देखिने चाहनामा चाहिनेभन्दा पनि कम क्यालोरी शरीरले पाउ“दा स्वास्थ्यलाई असर गर्छ ।
मोटोपनबाट हुन सक्ने रोगहरू
उच्च रक्तचाप, हृदयरोग, मधुमेह, श्वासप्रश्वाससम्बन्धी रोग, मिर्गौलाको समस्या, ढाड र घुँडा दुख्ने समस्या मोटोपनले धेरैजसो महिलालाई गर्भधारणको वेलामा समस्या हुने पाइएको छ । नेपालमा सुत्केरी भएपश्चात् तागत होस् भनेर धेरै खानेकुरा, तैलीय पदार्थ भएका खाना तथा मासु खुवाउने चलन छ । तर, यसले शरीरमा तागतभन्दा पनि मोटोपन बढाउँछ ।by--http://www.enayapatrika.com/2016/10/98175

श्रीमान कुट्न इजिप्टका महिला सबैभन्दा अगाडि,दोस्रो ब्रिटेनका र तेस्रो देश भारत संयुक्त राष्ट्रसंघले गरेको अध्ययनले देखाएको छ

By Unknown 8:26:00 AM No comments

विश्वमा श्रीमानमाथि हिंसा गर्ने वा कुट्नेमा इजिप्टका महिला सबैभन्दा अगाडि रहेको संयुक्त राष्ट्रसंघले गरेको एक अध्ययनले देखाएको छ ।

दि एक्सप्रेस ट्रिब्यूनकाअनुसार दोस्रो नम्बरमा ब्रिटेनका महिला र तेस्रो नम्बरमा छिमेकी देश भारतका महिला रहेको उक्त अध्ययनले देखाएको छ ।

इजिप्टको फ्यामिली कोर्टबाट प्राप्त तथ्यांकअनुसार ६६ प्रतिशत महिलाहरु जो आफ्ना पतिहरुलाई कुट्छन्, उनीहरु सम्बन्धबिच्छेदको निवेदन दिन्छन् । श्रीमतीको हिंसा पीडित श्रीमानहरुलाई मुद्दा हाल्नुबाहेक अरु उपाय हुँदैन । जुन एक वर्षमा ६ हजार पुगेको छ ।

अध्ययनबाट प्राप्त तथ्यअनुसार पत्नीहरुले पतिविरुद्ध हिंसा गर्न आफ्नो खुट्टा, भान्साका सामाग्री, बेलन, पेटी, हतियार, जुत्ता आदी प्रयोग गर्ने गरेको बताइएको छ ।by--http://www.nepaljapan.com

४८ वर्षपछि खुल्यो अमिताभकी प्रेमिकाको राज, को थिइन पहिलो प्रेमिका

By Unknown 4:01:00 AM No comments

अमिताभ बच्चनका पहिली प्रेमिका न त जया बच्चन थिइन न त रेखा । त्यसो भए को थिइन त ?

उनकी पहिलो प्रेमिका ब्रिटिस कम्पनी आइसीआइमा काम गर्ने महाराष्ट्रकी युवती चन्द्रा (नाम परिवर्तन) थिइन । दुवै जना कलकत्तामा जागिर गर्थे । अमिताभलाई १५ सय र चन्द्रालाई ४ सय तलब मिल्थ्यो ।

अमिताभले ती युवतीसँग विवाह पनि गर्न चाहेका थिए । तर, कुरा नमिलेपछि उनी नोकरी र कलकत्ता छाडेर मुम्बई आए ।

त्यो बेला उनको २६ दिनको तबल पनि काटिएको थियो । पछि ती युवतीले बंगाली फिल्मको फेमस नायकसँग विवाह गरिन् । बताइएअनुसार ती युवतीले अमिताभसम्म विवाहका लागि अस्वीकार गरुन्जेल बंगाली नायकसँग उनको कुनै सम्बन्ध थिएन ।

११ अक्टोबरमा अमिताभले ७४ औं जन्मदिन मनाए । यी ७४ वर्षमा उनका जिन्दगीका धेरै पहेलुहरुका बारेमा निकै लेखिएको छ । तर, ६० को दशकमा उनले नोकरी गरेको कलकत्तामा रहँदाका किस्साहरुमाथि भने काफी कम चर्चा भएको छ ।

अमिताभ ७ वर्ष उक्त रोचक लाइफमा जोडिएका केही तथ्यहरु हालै बलिउड अनलाइन दैनिक भाष्करले सार्वजनिक गरेको छ । उसले त्यतिबेला उनका रुममेट, घरका चौकीदार र उनका नजिककाहरुसँग गरेको कुराकानी आधारमा यो तथ्य बाहिर ल्याएको हो ।

उनीसँग तीन वर्ष सँगै काम गरेका दिनेशकुमार अहिले पनि कलकत्तामा रहन्छन् । दुवैले ३ वर्ष एकै कम्पनीमा काम गरेका थिए । उनले ब्रिटिस कम्पनीका काम गर्ने चन्दा पहिले अमिताभसँग विवाह गर्नका लागि राजी थिइन तर पछि उनले अस्वीकार गरिदिइन । कयौं कोशिसका बाबजुद पनि उनीहरुको कुरा मिलेन् ।

उनी एक समय आफ्नी बहिनीसँग वल्र्ड टुरमा निस्किएकी थिइन । त्यहाँबाट फर्किएपछि अमिताभले चन्द्रालाई विवाह प्रस्ताव राखेका थिए तर उनले मानिनन् ।

अमिताभको १९६८ मा कलकत्तामा नोकरी छाडेपछिको ४८ वर्षपछि उनकी पहिली प्रेमिकासँग जोडिएको यो तथ्य खुलासा भएको हो ।by--http://www.nepalipatra.com/news/trend/amitabh-bachchan/10114

हिजोआज घरपालुवा खासगरी कुकुरमा छारे रोग व्यापक रूपमा देखिन थालेको छ (कार्तिक २, २०७३ )

By Unknown 9:50:00 PM No comments

हिजोआज घरपालुवा खासगरी कुकुरमा छारे रोग व्यापक रूपमा देखिन थालेको छ । यो घरपालुवामा लाग्ने घातक किसिमको रोग हो जुन पूर्णरूपमा निको हुन कठिन हुन्छ । यो रोग मस्तिष्क तथा नसासँग सम्बन्धित हुन्छ । यो रोग वंशानुगतका साथै मस्तिष्कको ट्युमर, चोटपटक तथा कडा किसिमको औषधिको प्रभावले देखा पर्छ ।

यो रोगले ग्रसित कुकुरमा शरीरको सन्तुलन बिग्रने, कम्प छुट्ने, र्‍याल निकाल्ने, छटपटिने, मुखबाट फिज निकाल्ने आदि लक्षण देखिन्छन् । त्यतिबेला कुकुरले दिसा–पिसाब पनि गर्न सक्छ । अनुहारका मांसपेशीहरू तन्किने–खुम्चिने हुन्छ । हातखुट्टामा कडापन, असामान्य आवाज निकाल्नु तथा आाखा ठूलो–ठूलो बनाउनु छारे रोगका लक्षण हुन् । खासगरी आराम गरेको तथा सुतेको बेला देखिने यस्ता लक्षण पाँच मिनेट अथवा त्यसभन्दा बढी रहन सक्छन् । त्यसपछि कुकुर फेरि सामान्य अवस्थामा फर्कन्छ । सामान्य अवस्थामा फर्कदा पनि केहीबेरसम्म मानिस नचिन्ने, आँखा कम देख्ने, खाना तथा पानी धेरै मात्रामा खाने समस्या हुन्छ । छारे रोग ठूला जातका कुकुरमा बढी देखिन्छ ।

उपचार तथा रोकथाम

छारे रोग विभिन्न किसिमको अवस्थामा फरक तरिकाले देखा पर्छ । समयमा उपचार भएन भने यो रोगकै कारण ज्यानै जान सक्छ । सुरुको उपचार कुकुरलाई यसको असरबाट कसरी बाहिर निकाल्ने भन्ने कुरामा केन्द्रित हुन्छ जसमा निद्रा लाग्नेदेखि पीडा कम गर्ने औषधि तथा भिटामिनहरू दिन सकिन्छ।

छारे रोग लागेपछि पूर्णरूपमा निको नहुन सक्छ । त्यसमा दीर्घकालीन रूपमा औषधि सेवन गराउनुपर्ने हुन्छ ।.वंशानुगत समस्या देखिएको हुँदा घरपालुवाबाट प्रजनन् गराउनु हुँदैन । घरपालुवालाई बन्ध्याकरण गराएर यो रोगको असर कम गर्न सकिन्छ ।

by------------http://nari.ekantipur.com/news/2016-10-18/20161017132020.html

मूलपानी मैदान खेल्नयोग्य बनाउन ज्ञापन पत्र बुझाएका

By Unknown 7:49:00 PM No comments

कार्तिक १, २०७३- मूलपानी क्रिकेट मैदानलाई खेल्न योग्य बनाउन सरोकारवालाहरूले युवा तथा खेलकुद मन्त्री दलजित श्रीपालीको ध्यानाकर्षण गराएका छन् । झन्डै १० वर्ष अघि शिलान्यास भए पनि मूलपानी मैदान अझै खेल्नयोग्य भएको छैन ।

नेपाल सरकारबाट राष्ट्रिय खेलकुद परिषद्लाई भोगाधिकार दिई परिषदबाट क्रिकेट खेलमैदान निर्माण गर्न नेपाल क्रिकेट संघलाई उपलब्ध गराएको मूलपानीस्थित माथिल्लो क्रिकेट खेलमैदानमा संघबाट २०६४ सालमा मैदान सम्याउने तथा बार लगाउने कार्य सम्पन्न गरिएको थियो ।

त्यसको तीन वर्षपछि पेभेलियन निर्माण सम्पन्न गरी मैदानसमेत निर्माण भएकोमा हाल खेल्नयोग्य बनाउन नसकिएको अवस्था रहेको भनी खेलाडी, प्रशिक्षक, अम्पायर लगायतले खेलकुद मन्त्रीलाई ज्ञापन पत्र बुझाएका छन् । खेलमैदानलाई खेल्नयोग्य बनाउन लाग्ने खर्च झन्डै १७ लाख रुपैयाँ विनियोजन गरिदिन भन्दै उनीहरूले ज्ञापन पत्र बुझाएका हुन् ।

ज्ञापन पत्र बुझाउनेमा राष्ट्रिय खेलकुद परिषद् सदस्य शैलेशकुमार कर्माचार्य, राष्ट्रिय क्रिकेट टिमका मुख्य प्रशिक्षक जगत टमाटा, राष्ट्रिय टोलीका पूर्वकप्तान विनोद दास, खेलाडीहरू ज्ञानेन्द्र मल्ल, शरद भेषवाकर, सुवास खकुरेल, सोमपाल कामी, अम्पयारद्वय विनयकुमार झा र दुर्गानाथ सुवेदी तथा नेपाल क्रिकेट संघका कर्मचारीहरू छुम्बी लामा, रमण शिवाकोटी र राजेश महर्जन छन् ।
by----http://kantipur.ekantipur.com/news/2016-10-17/20161017092903.html

दिउँसो सुत्नका खतराहरु

By Unknown 12:55:00 AM No comments

कतिपय मानिसहरु दिउँसो सुत्न मन पराउँछन् । तर, उनीहरुका लागि नराम्रो समाचार छ । दिनमा एक घण्टा भन्दा बढी सुत्ने मानिसमा टाइप–२ मधुमेहको खतरा ४५ प्रतिशतले बढ्न सक्ने एक अध्ययनले देखाएको छ ।

युनिभर्सिटी अफ टोक्योका अनुसन्धानकर्ताहरुले तीन लाखभन्दा बढी मानिसहरुमा २१ पटक अध्ययन गरेर यो तथ्यांक निकालेका छन् । उनीहरुले ६० मिनेट भन्दा बढी समयसम्मको निन्द्राले हानी पुर्याउनसक्ने दावी समेत गरेका छन् । तर, ४० मिनेटसम्मको निन्द्राले मधुमेहको कुनै खतरा नरहने बताइएको छ ।

अनुसन्धानकर्ताले दिनमा लामो निन्द्रा लिनुको परिणाम रातीमा निन्द्रा नलाग्नुसँग सम्बन्धित हुने बताएका छन् । निन्द्राकै कारणले हृदयघात, मस्तिष्कघात, मुटु सम्बन्धि समस्या र टाइप –२ मधुमेह लगायतका विभिन्न प्रकारका खतराहरु बढ्न सक्छ । सामाजिक जीवनशैली वा कामले गर्दा निन्द्रा नपुग्नु र धेरै भोक लाग्नुको रुपमा परिणाम निकाल्न सकिन्छ, जसले टाइप –२ मधुमेहको खतरा बढ्न सक्ने सम्भावना हुन्छ
by--http://www.dcnepal.com/news/news.php?nid=240362

दिनहुँ कागती पानी खानुहोस् अनेकौ फाइदासँगै मृगौलाको पत्थरी फाल्न सकिन्६

By Unknown 12:26:00 AM No comments

कागती भिटामिन सी, पोटासियम तथा फाइबर लगायतका पौष्टिक तत्वहरुको भण्डार हो । यो मानव स्वास्थ्यका लागि निकै लाभदायी छ । कागतीलाई विभिन्न स्वरुप र प्रकारमा खाइन्छ । चाहे पानीमा हालेर होस् वा चियामा, अनि तरकारी वा खानामा र अचार बनाएर । कागती पानी पिउनुको मुख्य फाइदा के हो भने यसले तौल घटाउन ठूलो सहयोग पु¥याउँछ । यस भिटामिनले प्रतिरक्षा प्रणालीको कमजोरी हटाउन मद्दत गर्छ नै रक्तसञ्चारसँग जोडिएका समस्या, आँखाको समस्याबाट बच्न पनि योगदान गर्छ ।

मधुमेह रोगीले समेत यस भिटामिनबाट फाइदा लिन सक्छन् । मिचिगन विश्वविद्यालयका अनुसन्धानकर्ता डा। मार्क मोयाड भन्नुहुन्छ, रगतमा भिटामिन ‘सी’को उच्च मात्राले समग्र स्वास्थ्यका लागि आवश्यक पोषण पुगेको सूचक हुनसक्छ । विशेषगरी, बिहान खाली पेटमा कागतीपानी पिएमा बढी फाइदा पुग्ने बताइन्छ ।

– भिटामिन ‘सी’ अधिक भएकाले कागतीबाट हाम्रो शरीरको प्रतिरक्षा प्रणाली सबल हुन्छ ।

– कागती पानी पिउने गरेमा शरीरमा अम्ल र क्षारबीचको सन्तुलन बनाउन मद्दत पुग्छ ।

– पेक्टिन फाइबर हुने भएकाले आन्द्राको कोलोनलाई स्वस्थ राख्न कागतीले शक्तिशाली एन्टिब्याक्टेरियल गुण देखाउँछ ।

– बिहान खाली पेटमा कागती पानी पिएमा शरीरबाट विषालु पदार्थ निष्काशनमा सहयोग पुग्छ ।

– कागती पानीले पाचनमा सहयोग पुग्छ ।

– कागतीलाई क्याल्सियम, म्याग्नेसियम, पोटासियम, साइट्रिक एसिड र फस्फोरसको राम्रो स्रोत मानिएको छ ।

– कागती पानी पिउने गरेमा शरीरमा खतरनाक ब्याक्टेरियाको विकास र वृद्धि रोक्न सहयोग पुग्छ ।

– रुघाखोकीको उपचारमा कागती पानी उपयोगी हुन्छ ।

– मस्तिष्कलाई पोषित गर्न र स्नायुकोषहरू स्वस्थ राख्न कागतीले सहयोग गर्छ ।

– कागतीले घुँडा र जोर्नीहरूको पीडा कम गर्छ किनभने यसले युरिक एसिडलाई विघटित गरिदिन्छ ।

– एन्जाइम प्रदान गरेर कागतीले कलेजोलाई स्वस्थ राख्छ ।

-कागती पानीले कलेजोमा अक्सिजन र क्याल्सियमको मात्रा सन्तुलन गर्छ ।

– हरेक दिन कागती पानी पिउने गरेमा मिर्गौलामा पत्थरी बन्न पाउँदैन र बनेको पत्थरीलाई विघटित पारेर बाहिर निकाल्न मद्दत पुग्छ । by-http://www.dcnepal.com/news/news.php?nid=240527

फेसबुक मेसेन्जरमा आएको मेसेज अब अरुले पढ्न नसक्ने

By Unknown 10:14:00 AM No comments

फेसबुक मेसेन्जरमा अव यस्तो मेसेज पठाउन सम्भव भएको छ, जुन अरु कसैले पढ्न सक्दैन । तपाईंले पठाएको मेसेज आफै डिलिट हुने छ ।

यसका लागि दुई व्यक्ति जो च्याट गर्छन् उनीहरुले फेसबुक मेसेन्जरको सबैभन्दा नयाँ भर्सन आवश्यक पर्छ । र, मेसेज पठाउने तरिका पनि पहिलेको भन्दा केही फरक रहेकेा छ ।

सबैभन्दा पहिला नयाँ भर्सनको मेसेन्जर डाउनलोड गर्नुहोस् । त्यसपछि ‘कम्पोज’ मा क्लिक गर्नुहोस् । नया मेसेज वाला जुन स्क्रीनमा आउछ त्यसको दाहिने तर्फ माथि ‘सेक्रेट’ लेखिएको पाउनु हुनेछ ।

तपाई जसलाई उस्तो मेसेज पठाउँन चाहनुहुन्छ, आफ्नो फेनबुकमा उसको नाम छान्नुहोस । यदी उसँग मेसेन्जरको नयाँ भर्सन छैन भने उसले उक्त मेसज पढ्न सक्ने छैन ।

मेसेन्जरले तपाईंले मेसेज पठाउन लाग्नु भएको प्रयोगकर्ताले नयाँ भर्सनको मेसेन्जर चलाएकेा छ कि छैन भन्ने जानकारी भने दिने छैन । यसकालागि तपाईंले आफ्ना साथीलाई फोन गरेर नयाँ भर्सन चलाए नचलाएको बारे जानकारी लिन जरुरी छ ।

तपाईले पठाएको मेसेज आफै डिलिट हुने अवश्य छैन । यसकालागि मेसेन्जरमा एक टाइमल अप्सन देखिनेछ जसलाई तपाइले क्लिक गर्नुपर्ने हुन्छ ।

यसपछि तपाईले उक्त मेसेज कति समयपछि हराउने वा डिलेट हुने तपाईंले निश्चित गर्नुपर्ने छ ।

तपाईले पठाएको मेसेजा वा तपाईलाई आएको मेसेज तपाईको स्क्रीनमा ‘तपाईंलाई म्यासेज प्राप्त भएको छ’ शिर्षकमा देखा पर्ने छ ।by--

http://www.onlinekhabar.com/2016/10/488287/

चितवनको देवघाटबाट सुरु भयो कुकुरको बलि दिने प्रचलन

By Unknown 9:33:00 AM No comments

चितवन । पवित्र तिर्थस्थल देवघाटधाममा कुकुरको बलि दिइएको छ। देवघाटको तनँहुपट्टि वेणी संगम स्थल नजिकै रहेको अघोरी बाबाको आश्रममा दशैको अष्टमीका दिन बलि दिइएको हो।

देवघाटमै बस्दै आएका अखण्ड बाबा ले पञ्चबलीको नाममा डुलुवा कुकुरलाई समातेर स्थानीय माइला भन्ने शंकर बोटेलाई काट्न लगाएको स्थानीय सोम बोटेले जानकारी दिए। उनी देवघाटमा १० बर्ष भन्दा लामो समयदेखि बस्दै आएका छन्।

शंकरले आफुले अखण्ड बाबाले भनेर कुकुर काटेको र अघोरी बाबाको आश्रममा कुकुरको खुन चढाएको स्वीकार गरेको सोमले बताए। बलि दिइएको कुकुरलाई आश्रम नजिकै गाडीएको छ। कुकुर गाडीएको क्षेत्रमा स्थानीय प्रशासनले ४ जना प्रहरी खटाएको छ।

कुकुरको बलि दिइएको घटना पहिलो पटक थाहा भएको स्थानिय प्रशासनले जनाएको छ। यस्ता घटनाले विकृति बढ्ने भन्दै स्थानीय प्रशासनले अनुसन्धान थालेको छ। देवघाट क्षेत्रविकास समितीले यसबारेमा छलफल गर्न सर्वदलिय बैठक समेत आव्हान गरेको छ।

ुकुकुरको बलि दिएको कुरा जानकारी आएको छ , देवघाट क्षेत्रविकास समितीका अध्यक्ष टंकनाथ पौडेलले भने, अनुसन्धान हुदैंछ , तथ्य कुरा आएपछि धार्मिक क्षेत्रको आचारसंहिता अनुसार समिति अगाडी बढ्छ।ु

पौडेलले आफू अध्यक्ष भएसँगै देवघाट क्षेत्रलाई मासं, मदिरा निषेधित क्षेत्र बनाउने अभियान सञ्चालन गरिरहेको बताए। ुधार्मिक क्षेत्रलाई कसरी शुद्धता ल्याउने भन्ने बारे गृहकार्य भइरहेका बेला दशैको अवसर पारेर कुकुरको बलि दिइएको खवर आएको छु, उनले भने, ुस्थानीय पनि ससंकित छन्।by--http://www.nayakhabar.com/2016/10/145236_40.html

natural sites around the world

By Unknown 8:45:00 PM No comments

. Rock Preikestolen, Norway. Only for those without vertigo

From a height of over 600 meters. We recommend you only visit if you have not long dizziness. The most famous place is the rock between two boulders. This is essential to take a picture.

ATLANTA BOTANICAL GARDEN AMERICA

This place is a treat for the eyes. For people who love nature and are interested in flowers and plants, this place is nothing short of paradise. It is a 30 acre wide garden located in Georgia, Atlanta. The Atlanta Botanical Garden maintains a wide range of plants for the purpose of research, education, display, recreation and conservation. It is a must visit place to relax and indulge in the beauty and variety of nature on the continent.

क्यान्सरलाई ४८ घण्टामा नै सफाया गर्ने चामत्कारिक घरेलु औषधि

By Unknown 5:09:00 AM No comments

क्यान्सरका विरामीमाथि २५ वर्ष लामो सोधपछि क्यालिफोर्निया युनिवर्सिटीको मेडिकल फिजिक्स एवं साइकोलोजीका सिनियर प्रोफेसर डा हर्डिन बी जन्सले भनेका छन्– ‘क्यान्सरको उपचारका क्रममा प्रयोग गरिने किमोथेरापीले क्यान्सर पीडित विरामीलाई दर्दनाक मृत्युतर्फ धकेल्न सक्छ ।’ तर, क्यान्सरलाई केही घण्टामै ठिक पार्ने थुप्रै औषधिहरु छन् ।by--

by.http://www.dcnepal.com/news/news.php?nid=239927
अंगुरको विउको धुलो (सत्व)
हालै भएको एक शोधमा यो कुरा प्रमाणित भएको छ कि अंगुरको विउको धुलो अर्थात सत्व अर्क ल्यूकेमिया र अन्य प्रकारका क्यान्सर ठिक पार्न निकै उपयोगी पाइएको छ । र छोटो समयमै क्यान्सर ठिक पार्न मद्दतगार छ । शोधमा यो कुरा पनि प्रामाणित भइसकेको छ कि अंगुरको विउले मात्र ४८ घण्टामा हरेक किसिमका क्यान्सरलाई ७६ प्रतिशतसम्म विकिर्ण अर्थात ठिक गर्नमा समक्ष छ ।

अमेरिकन एसोसिएशनको जर्नलमा प्रकाशित एक क्यान्सर रिसर्चका अनुसार अंगुरको विउमा पाइने जेएनके प्रोटिनले क्यान्सर कोशिकाहरुको विकिर्णहरुलाई नियन्त्रण गर्ने काम गर्छ । अब स्वस्थ शरीरका लागि अंगुर मात्रै होइन् यसको विउ पनि खान अमेरिकी चिकित्सकहरुले सुझाव दिएका छन् । उनीहरुले भनेका छन्– क्यान्सरको उपचारमा अंगुरको विउ सबैभन्दा प्रभावकारी घरेलु औषधि हो ।

रुबर्ब (फल)को पौधा (पात र डाठ)
रुबर्ब पौधा जसलाई रेवतचीनी र रेवन्दचीनीको नामबाट चिनिन्छ । यो पौधालाई आयुर्वेदिक औषधिमा प्रयोग गरिन्छ । यो पौधाको पात विषालु हुन्छ तर, यसको डाठलाई औषधिको रुपमा प्रयोग गरिन्छ । अमेरिकामा भएको एक सोधका अनुसार रुबर्ब पौधाको डाठलाई क्यान्सरको उपचारमा प्रयोग गरिएको थियो जसले चामत्कारिक परिणाम दियो ।

वैज्ञानिकहरुले यो पौधाको डाठबाट अबको एक वर्षभित्र क्यान्सरको औषधि बनाउने दाबी गरेका छन् । यो पौधाको डाठमा एक खास अरेञ्ज पिगमेन्ट पाइन्छ । जसले शरीरभित्र रहेका क्यान्सरका सेल्स (कोशिका)हरुलाई ४८ घण्टामा मार्न सक्ने ताकत राख्छ । शोधमा यो डाठ प्रयोग गर्दा दुई दिनमै लयूकैमियाका आधाभन्दा बढी सेल्स (कोशिका)लाई नष्ट गरिसकेको थियो । जर्जियाको विनशिप क्यान्सर इन्सिच्युट र एमोरी युनिवर्सिटीद्धारा २००० मानिसमा यसको परीक्षण गरिएको थियो । जसमा वैज्ञानिकहरुले पारिटिन पाए । जो एन्टी–क्यान्सर अर्थात क्यान्सरविरुद्धको ड्रग (औषधि)का रुपमा चिनिन्छ ।

सोधमा मुसाहरुमाथि ११ दिनसम्म पारिटिनको प्रयोग गर्दा यो फोक्सोको क्यान्सरका लागि उपयोगी औषधि हो भन्ने प्रमाणित भएको थियो । यसका साथै यसले ब्रेन अर्थात मस्तिष्क र गलाको ट्युमरलाई पनि ठिक पार्न सक्छ । सोधकर्ता टिम भन्छ– यो पौधा (जसलाई एक प्रकारको फल पनि भन्छन्) को आधारमा क्यान्सर ठिक पार्नका लागि नयाँ औषधि बनाउनमा सहयोग मिल्नेछ । यसको परिणाम किमोथेरापी जस्तै अर्काे वर्ष आउनेछ ।

विशेषज्ञ भन्छन्- पारिटिनको प्रयोग किटाणु रोक्नका लागि प्रयोग गरिसकिएको छ तर, औषधिका रुपमा यसको प्रयोग यसै अध्ययनपछि गरिनेछ । सोधमा खटिएका एक जना प्रोफेसर चेन भन्छन्- क्यान्सरलाई ६पीजीडी स्तरमा एक्टिभ गर्नका लागि रुबर्बका प्रयोग गरिनु क्यान्सरलाई ठिक पार्नका लागि जरुरी छ । यसको प्रयोगबाट क्यान्सर ६पीजीडी स्तरमा तीव्र गतिमा बढ्नेछ जसले क्यान्सर चाँडै निको हुनेछ ।

छोराले हजारको नोट बोकेर बजार गएपछि नक्कली नोट छाप्ने बाबुको मेसिन समातियो

By Unknown 3:15:00 AM No comments

: नक्कली नोट छाप्ने मेसिन रुकुममा पनि फेला परेको छ। नक्कली पैसा छाप्ने मेसिन र एक हजारको नक्कली नोटसहित प्रहरीले दुईजनालाई पक्राउ गरेको छ।

पक्राउ पर्नेमा रुकुम झुला–६ का १९ वर्षीय डिभाइड भनिने खीमबहादुर देवकोटा र सदरमुकाम मुसिकोट खलङ्गाको पातुखोलामा होटेल सञ्चालन गर्दै आएका गोतामकोट–९ का ३४ वर्षीय जुनबहादुर बोहोरा छन्। यस घट्नाबारे प्रहरीले अनुसन्धान गरिरहेको छ।

बोहोरालाई मुसिकोटबाटै पक्राउ गरिएको हो भने देवकोटालाई मग्मामा लुकेर बसिरहेको अवस्थामा पक्राउ गरिएको जिल्ला प्रहरी कार्यालयले जनाएको छ।बोहोराका छोराले एक हजारको नोट लिएर बजारमा सामान किन्न आएका बेला उक्त नोट नक्कली भएको शङ्काका आधारमा पसलेले प्रहरीलाई खबर गरेका थिए।

बोहोराका छोराले दिएको जानकारीअनुसार पैसा छाप्ने मेसिन, एक हजारको नक्कली नोटसहित बोहोरालाई नियन्त्रणमा लिइएको जिल्ला प्रहरी प्रमुख प्रहरी नायब उपरीक्षक अङ्गुर जिसीले जानकारी दिएको छ।

by==http://www.annapurnapost.com/news/57120

छक्का पञ्जा’ ले पाँचांै हप्ता पार गर्दासम्म साढे १२ करोड रुपैयाँको व्यापार गरेको छ

By Unknown 12:14:00 AM No comments

आ शुक्रबारदेखि प्रदर्शनको ३६ औं दिनमा प्रवेश गरेको फिल्म ‘छक्का पञ्जा’ ले पाँचांै हप्ता पार गर्दासम्म साढे १२ करोड रुपैयाँको व्यापार गरेको छ । जुन नेपाली फिल्म इतिहासमै अहिलेसम्मको कीर्तिमानी कमाइ हो । यसअघि उक्त कीर्तिमान झन्डै १० करोड रुपैयाँ व्यापार गरेको फिल्म ‘कोहिनूर’ का नाममा थियो । फिल्मका निर्माता तथा नायक श्रीकृष्ण श्रेष्ठको असामयिक निधनपछि ‘कोहिनूर’ हेर्न दर्शक ओइरिएका थिए । दीपाश्री निरौला निर्देशित ‘छक्का पञ्जा’ मा भने अधिकांश दर्शकले मनोरञ्जन लिएरै दोहोर्‍याई/तेहेर्‍याई हेरेका छन् ।

by---http://kantipur.ekantipur.com/news/2016-10-15/20161015081837.html

भारतीय मेसिनले एक महिनामै काठमाडौंको फोहोरबाट बिजुली निकाल्ने

By Unknown 4:16:00 AM No comments

काठमाडौं महानगरपालिकाले काठमाडौंमा फोहरबाट बिजुली निकाल्ने प्रविधि जडानको काम अन्तिम चरणमा पुर्‍याएको छ । अबको एक महिनाभित्र काठमाडौंमा फोहोरबाट बिजुली उत्पादन हुने पक्क्का पक्का भएको छ ।

यद्यपि यो सानो र नमूना प्लान्ट हो । यसले काठमाडौंका सबै जैविक फोहोरलाई बिजुलीमा भने परिवर्तन गर्ने छैन । तर, फोहोरको व्यवस्थापनका लागि यस्तो प्लान्ट स्थापना गर्न यसले प्रोत्साहित गर्ने विश्वास गरिएको छ ।

ग्यास फर्मेशन सफल

नमूना परियोजनाका रुपमा स्थापना हुने बिजुली निकाल्ने प्लान्ट जडानको काम लगभग सकिएको छ । भारतबाट बिजुली निकाल्ने मेसिन किनेर ल्याए लगत्तै त्यसमा जैविक फोहोर हालिएको छ ।

त्यसबाट ‘ग्यास फर्मेसशन’को काममा सफलता मिलेको महानगरका प्रमुख कार्यकारी रुद्रसिंह तामाङले बताए ।

‘प्लान्टमा जम्मा भएको ग्यास बलेको छ । यसले अब प्लान्टले योजनाअनुसार प्रतिफल दिन्छ भन्न विश्वास मिलेको छ’ तामाङले भने ।

तामाङ नेतृत्वको टोलीले फोहरबाट बिजुली निकाल्ने मेसिनको भारतमै पुगेर अवलोकन गरेर फर्किएपछि परियोजना अघि बढेको थियो । विद्युत प्लान्ट भित्र्याउन राज एन्ड रिवाज नेपलीज वेस्ट कम्पनीले भित्र्याएको छ ।

भारतको इनिर्जी बीन नामक कम्पनीले निर्माण गरेको प्लान्टबाट बिजुली निकाल्ने तयारी छ । यो मेसिनको वारेन्टी ३ वर्षको छ ।

‘अहिले बिजुली निकल्न लागिएको मेसिन ठूलो आकार र क्षमताको हैन । यो समान्य डेमो जस्तै हो’ प्रमुख कार्यकारी तामाङले भने-‘तर, फोहरबाट बिजुली निकाल्ने र जैविक फोहरको व्यवस्थापन गर्ने सवालमा यसले नेपालका यसको परीक्षण गर्नेछ । त्यसैले यो निकै महत्वपूर्ण छ । ‘

कसरी निकालिन्छ बिजुली ?

यसबाट बिजुली निकाल्न कुहिनेखालका जैविक फोहरमात्रै प्रयोग गरिनेछ । काठमाडौंको टेकुस्थित फोहर स्टेशनमा जडान हुने मेसिनले फोहरबाट पहिलो चरणमा बायो-ग्यास उत्पादन सुरु भएको छ ।

यही ग्यासबाट प्राप्त हुने शक्तिलेे बिजुलीको जेनेरेटर अर्थात टर्वाइनलाई चलाइनेछ । अहिले जेनेरेटर जडानको काम भने बााकी छ । अब जोडिने टर्वाइन चलेपछि प्लान्टबाट दैनिक १४ देखि २० किलोवाटसम्म बिजुली निकाल्न सकिने अनुमान छ ।

फोहरबाट उत्पादन हुने बिजुली टेकुको सडकबत्ती र महानगरको कार्यालयमा उपयोग गर्ने महानगरको योजना छ । परियोजनाका लागि १ करोड ८२ लाख रुपैयाा खर्च हुने प्रमुख कार्यकारी तामाङले बताए ।

परियोजना अन्तरगत दैनिक तीन टन जैविक फोहर प्रशोधन गरेर बिजुली निकालिने छ । छानिएको जैविक फोहरलाई सुरुमा मेसिनले धुलो बनाउनेछ । त्यसपछि फोहरलाई प्लान्टमा कुहाइनेछ ।

कुहिएको फोहोरबाट बायो-ग्यास निकालेर त्यसबाटै बिजुलीको उत्पादन गरिने छ । महानगरपालिकाले युरोपियन युनियनको सहयोगमा यो परियोजना नमूनाका रुपमा सञ्चालन गर्न लागेको हो ।

बिजुली निकाल्ने फोहोरका लागि महानगरका तोकिएका वडामा सर्वसाधरणको घरमै जैविक फोहर वर्गीकरण गर्न लागिएको छ । त्यही फोहर बिजुली प्लान्टमा प्रयोग गरिनेछ ।

राजधानीमा दैनिक जम्मा हुने फोहरमध्ये झण्डै ६५ देखि ७० प्रतिशत कुहिने खालका हुन्छन् । फोहरका लागि वाषिर्क करोडौं रुपैयाा खर्च गर्ने गरेको महानगरले यो परियोजना सफल भए सबै जैविक फोहरबाट बिजुली निकाल्न प्रयोग गर्ने योजना बनाएको छ ।

यो परियोजनाबाट बिजुली निकाल्न सके देशभरका नगरपालिकाले यसलाई पछ्याउन सक्ने अधिकारीहरु बताउँछन् ।by---

http://www.onlinekhabar.com/2016/10/488333/

रुखभित्रै चिहान, जहाँ रुखको काण्डमा अन्त्येष्टि गरिन्छ बच्चाको लास

By Unknown 9:43:00 PM No comments

मानिसहरु आ आफ्नो संस्कार अनुसार मृत्युपछि लासलाई जलाउने वा गाड्ने गर्छन् । गाड्नु भनेको जमिनमा खाल्डो खनेर लासलाई पुर्नु हो । तर इण्डोनेसियामा एउटा यस्तो प्रचलन छ जहाँ बच्चा मरिसकेपछि उसको लासलाई जमिनमा गाडिँदैन रुखभित्र प्वाल पारेर राखिन्छ ।

इण्डोनेसियाको राजधानीभन्दा १८६ मिटर टाढा पर्ने ताना तरोजा नामक पहाडि क्षेत्रका बासिन्दाहरु मृतक बच्चाको लास जमिनमा गाड्दैनन्, रुखको काण्डमा राखिदिन्छन् ।

ठूलो रुखको काण्डमा बच्चाको लास अट्ने प्वाल खोपिन्छ । त्यसपछि सोही प्वालमा बच्चाको लास राखेर बाहिरबाट स साना काठले छोपिन्छ । यसरी रुखभित्र लास राख्नाले केही समयपछि बच्चाको लास रुखसँगै मिल्छ ।

सो क्षेत्रको जंगलका ठूलो रुखहरुमा धेरै बच्चाका लास राखिएको देख्न सकिन्छ । रुखका काण्डहरुमा ठाउँठाउँमा प्वाल पारेर लास राखेर बाहिरबाट छोपिएको देखिन्छ ।

यद्यपि सबै बच्चाका लासलाई यसरी रुखभित्र राखिँदैन । दाँत नपलाउँदै मृत्यु भएका बच्चाहरुलाई मात्र यसरी रुखभित्र अन्त्येष्टि गरिन्छ ।by--http://www.onlinekhabar.com/2016/10/487884/

भारतको एउटा गाउँमा सुनको सिक्का खोज्न गाउँलेहरु धमाधम ढिस्को खोस्रदैं

By Unknown 9:25:00 PM No comments

राजस्थान, असोज २८ । भारतको राजस्थानस्थित मालपुराको एउटा गाउँमा गाउँलेहरु सुनको सिक्का खोज्न भन्दै दिनरात ढिस्को खोस्रन थालेका छन् ।

तीन दिनदेखि जानकीपुरामा सुनको सिक्का खोज्न सर्वसाधारणहरु ढिस्को खोस्रने र खाल्डो खन्न व्यस्त छन् ।

ठाउँठाउँमा खाल्डो खन्ने क्रम बढेसँगै खाडलमा पुरिएर मानवीय क्षति हुन सक्ने सम्भावना बढेको स्थानीय प्रशासनको भनाइ छ ।

भारतीय संचारमाध्यमहरुका अनुसार बुधबार राति एकजनाले मालवाहक साधनमा माटो भरेर लैजान लागेको अवस्थामा स्थानीयले देखेका थिए । उनीहरुले माटो लैजाने व्यक्तिलाई त्यहाँबाट लखेटेका थिए ।

स्थानीयका अनुसार भाग्यमानीले सो क्षेत्रमा सुनको सिक्का फेला पर्ने हल्ला चलेपछि सिंगो गाउँ भेला भएर धमाधम ढिस्को खोस्रने र खाडल खनेर सिक्का खोज्ने क्रम बढेको हो ।

तर अहिलेसम्म सिक्का फेला परेको दाबी गर्ने कोही उपस्थित नभएको भारतीय संचारमाध्यमले जनाएका छन्

by--http://www.imagekhabar.com/news/latest/gold/9845

जापानले अर्को वर्षसम्ममा विदेशी कामदारलाई कृषि तथा घरेलु क्षेत्रमा वर्किङ भिसा दिन निर्णय

By Unknown 7:26:00 PM No comments

by-http://www.nepaljapan.com/

जापान सरकारले दक्ष विदेशी कामदारलाई कृषि क्षेत्रमा काम गर्ने अनुमति दिने भएको छ । जापान सरकारको यो अनुमतिपछि जापानका निश्चित अञ्चलमा कृषि क्षेत्रमा काम गर्नका लागि विदेशी कामदारहरुले वर्किङ भिसा पाउँनेछन् । साथै जापान सरकारले घरेलु कामदारका लागि पनि विदेशीलाई वर्किङ भिसा दिनेबारेको निर्णय अर्को वर्षसम्ममा गरिसक्ने जनाएको छ ।

जापानको कृषि क्षेत्रमा देशिएको कामदारको अभावलाई पूर्ति गर्ने जापानको श्रम मन्त्रालयले विदेशी कामदारलाई अनुमति दिने निर्णय गरेको हो । यस्तो योजनमा जापान सरकार पहिले देखी नै छलफल गर्दै आएको थियो । त्यही योजना अनुसार मंगलवार सरकारले अद्यागमन कानूनमा संशोधन गर्ने औपचारिक निर्णय गरेको हो ।

साथै जापानको घट्दो जनसंख्यासँगै जेष्ठ नागरिकहरुको संख्या समेत बढ्दै गएपछि तिनीहरुको सहयोग र हेरविचारका लागि घरेलु कामदारमा विदशी कामदार झिकाउने प्रक्रिया अन्तिम चरणमा पुर्याएको छ ।

सल्लाहकार परिषदको मंगलवार भएको छलफलपछि प्रधानमन्त्री शिञ्जो अबेले कृषि क्षेत्रका लागि दक्ष विदेशी कामदारलाई वर्किङ भिसा उपलब्ध गराउने निर्णय गरेका हुन् ।

कुन सपनाको फल कस्तो हुन्छ ?

By Unknown 8:44:00 PM No comments

आकाशमा मास्तिर उड्नु टाढा-टाढाको यात्रा गरिन्छ, जसले लाभ हुन्छ ।
आकाशमा उड्नु लाभ हुन्छ ।
आकाशबाट झर्नु समाजमा बेइज्जती हुन्छ ।
आकाश देख्नु प्रतिष्ठा मिल्छ, सरकारबाट धेरै धन प्राप्त हुन्छ ।
आकाशमा बादल देख्नु सरकारको कृपा हुन्छ, व्यवसायमा वृद्धि हुन्छ ।
पानी पर्नु बिरामी पर्ने या जाल फरेबमा फसिने सूचना हो ।
पानी एकै ठाउँ परिरहनु परमात्माको कृपाले अन्न सस्तो हुने सूचना हो ।
बिजुलीका साथ पानी परेको देख्नु बिरामी भए निको होइन्छ, ऋण भए फच्चे हुन्छ ।
जमीनसम्म देख्नु दौलत मिल्छ ।
जमीनमा जोतेको, छरेको, रोपेको देख्नु संसारका हरेक काम पूरा हुन्छ । जीवन आरामले बित्छ ।
आकाशका धूलो वा आँधी देख्नु त्यस देशमा लडाइँ वा तूफान हुने सूचना हो ।
बिजुली देख्नु मालदार हुइन्छ ।
जमीनमा मिल्नु वरवाद होइन्छ, फरेबमा फसिन्छ ।
जङ्गलमा हिँड्नु धार्मिक उन्नति गर्छ, आफ्नु धर्ममा जीवनभर रहन्छ ।
जङ्गलमा खानु पिउनु धेरै धन मिल्छ या धन प्राप्त गर्न परिश्रम गर्छ ।
माटो खानु धेरै धन मिल्छ, अथवा बेइज्जत हुन्छ ।
माटोमा हिँड्नु धनी होइन्छ ।
ईनार खन्नु आम्दानीको वृद्धि हुन्छ या व्यापारबाट लाभ हुन्छ, दुनियाँले तिमीबाट लाभ पाउँछ ।
इनारबाट सिँचाइ गर्नु आफ्नु धनबाट केही परमात्माको काममा पर र्सार्छ, दीन-दुःखीलाई मद्दत गर्छ ।
इनारबाट पानी निकालेर कुनै रुखमाहाल्नु दीन वा दुःखीहरुको सेवा गर्छ ।
इनारबाट पानी पियाउनु साधु वा महात्माको सेवा गर्छ ।
इनारबाट पानी निकाल्नु आम्दानीमा वृद्धि हुन्छ ।
इनारमा झर्नु मुसीबतमा फसिन्छ, शोक वा सन्तापमा परिन्छ ।
इनारबाट निस्कनु जिन्दगी आसानीसँग बित्छ या हरेक ठाउँमा सफलता प्राप्त हुन्छ ।
पानीमा हिँड्नु कुनै राजालाई प्रशन्न पार्छ, अन्धाधुन्ध उन्नति गर्छ ।
खोलामा बाढी देख्नु रीस या मुसीबतको सूचना हो ।
नदीमा अँध्यारो देख्नु परेशान हुइन्छ, पागल बनिन्छ, शोक पर्छ ।
सोतो तर्नु मरण नजीकिएको निशानी हो ।
नदी या कुलोमा नुहाउनु कुनै खुसीको कुरो हुन्छ, बिरामी निको हुन्छ, पाप कर्म छोडिदिन्छ ।
भुसमा भासिनु मुसीवत या शोकमा फस्नुपर्ने सूचना हो ।
कुलाको फोहोर पानी पिउनु कुनै रोगमा फस्ने सूचना हो ।
कुलोलाई अर्कातिर बगाउनु शोक वा मुसीबत हटेर खुसी हुइन्छ ।
हौज देख्नु कुशल जीवन व्यतीत हुन्छ वा नोकरी वा व्यवसायमा लाभ हुन्छ ।
नाउ देख्नु शोक वा दुःखबाट छुट्छ । राजाको आज्ञाको दण्डबाट छुट्छ ।
नाउमा चढेको देख्नु राजाज्ञाको अपराधमा गिरफ्तार हुन्छ, थोरै दिनपछि छुट्छ ।
नाउबाट सुखा भुइँमा उत्रनु दुश्मन विजय प्राप्त हुन्छ, अगाध दौलत मिल्छ ।
नाउलाई सुखा मैदानमा देख्नु मुसीबत आउँछ, भारी शोकमा प्राप्त हुइन्छ ।
जमीनमा केही बनाउनु असल दिलको हुइन्छ ।
ताराको चमक देख्नु राजाको कृपाले लाभ हुन्छ, परिवार बढ्छ ।
तारा समूहलाई अति चम्किलो देख्नु देश धनी हुन्छ, देशको शासनव्यवस्था राम्रो हुन्छ; संसारमा त्यो देशको प्रतिष्ठा बढ्छ ।
तारा निल्नु चोरी गर्छ र तकलीफमा फस्छ ।
तारालाई हातमा लिनु गुणवान् छोरी जन्मिन्छे या कसैबाट लाभ हुन्छ ।
नाउसहित आफूलाई डुबेको देख्नु राजाज्ञाको अपराधमा गिरफ्तार भएर कैद हुइन्छ ।
पहाड देख्नु शत्रुमाथि विजय प्राप्त हुन्छ ।
पहाडमा हिँड्नु इज्जत मिल्छ, धेरै धन पाइन्छ ।
पहाडको मालिक हुनु कुन ठूलो व्यक्तिको मालिक हुइन्छ या आफ्नु शत्रुलाई परास्त गरेर वशमा बसाइन्छ ।
पहाडमा लडेको देख्नु कसैलाई हैरान पार्छ या कुनै दुष्टलाई नाश गर्छ ।
पहाडमा बाटो हिँडिरहेको देख्नु धैर्यवान् वा साहसी हुइन्छ ।
पहाडमा प्वाल पार्नु कसैसँग जालसाँजो गरिन्छ ।
पहाडमा चढ्नु अगाध उन्नति हुन्छ । दौलत हात लाग्ने निशानी हो ।
फूल देख्नु प्रेमी/प्रेमिका मिलन
पान खानु स्त्री प्रसङ्ग (यौनसम्बन्ध) हुने
पिँजडा देख्नु जेल-नेल पर्ने ।
हरियो वन देख्नु शुभ समाचार मिल्ने ।
सुख्खा वन देख्नु चिन्ता हुने ।
चन्द्रमा प्रतिष्ठा मिल्ने ।
ग्रहण आपत पर्ने ।
खाना बनाउनु सन्तान बिरामी हुने ।
सुन पाउनु धन जाने, हानी हुने ।
र्सप मार्नु कष्टबाट छुटकरा पाउने
हस्ताक्षर गर्नु धनहानि हुनु ।
बिरालोले टोक्नु दर्घटना पर्ने तर बच्ने ।
राम्रा सपना अन्नबाली, घोडचढी,कमलको फुल,गोरु, गाइ, गुरु, सेतो रंगको फुल, दही, चामल, चादीका भाडा, हात्ती, राजा महाराजा, सिहासन, फल, सेतो बस्तुवा पदार्थ, कपास, मिठाइ, देबताको प्रतिमा वा मुर्ति,बिद्धान बाहुन, सधवा आइमाइ, ध्वजा, समुन्द्र स्नान, गंगाको स्नान, तारा, चन्द्रमा, देवता, मन्दिर, गित संगीत, पर्बतारोहण, फलेकोबृक्ष, फुलेको फुल, केटाकेटी, हतियार प्राप्ती, शरीरमा तेज आउनु, पुस्तक रचना वा अध्ययन, सन्त महात्मा, दुध खानु,फल खानु,सर्प, लास वा लास लादै गरेको, स्वर्गका अप्सरा, गायनकला, भाषण, बन्धनबाट छुटेको, भरीएको भाडो, तोरण, रुदैगरेको ब्यक्ति

नराम्रा सपना आगो, जल्दैगरेको चिता, खाली भाडा, दात भाचिनु, कपाल झर्नु,रातो वा कालो कपडा, गुलीयो बस्तुखानु, काडा,शत्रु, राक्षस, भैसी, रागो, बादर, हतियार, सुकेको बृक्ष बस्तु,खरानी, फासीमा झुण्डाएको,हावामा उडेको,बाढी, मान इज्यतमा कमी आउनु, अपमानीत हुनु, सर्पहरुसग खेल्नु,ग्रहण लाग्नु, उल्लु, आधी तुफान, जलमग्न हुनु, डुबेको देख्नु, पानी नभएको पोखरी, तलाउ,इनार, खोला, चोर्नु, नकाब मकुण्डो, भुतप्रेत, पहिरो, पुल, तार चुट्नु, स्त्री वा पुरुषसग जर्बजस्ति गर्नु, शरिरमा हिलो लाग्नु, एकान्त बनमा एक्लै हुनु, पसिनाले भिज्नु, प्रिय ब्यतिको मृत्युको खबर सुन्नु, होहल्ला, बिबाह भएको, बिवाह मण्डब घुमेको
by- http://www.sundarsansar.com/2012/01/blog-post.html

बडादसैंः टीकाको उत्तमसाइत बिहान ८ः४५ मा,

By Unknown 2:12:00 AM No comments

by image samcharअसोज २४ । ५ मा, यसरी लगाउनोस् टीका !यो वर्षको विजयादशमीको टीकाको साइत मंगलबार बिहान ८ बजेर ४५ मिनेट जाँदा उत्तम रहेको ज्योतिषहरुले बताएका छन् ।

नेपाल पञ्चांग निर्णायक समितिका अध्यक्ष प्रा.डा. रामचन्द्र गौतमकाअनुसार मंगलबार बिहान ८ बजेर २५ मिनेट जाँदा दुर्गा बिसर्जन गर्ने साइत रहेको छ ।

आमसर्वसाधारणले टीका लगाउन साइत हेर्नु नपर्ने भएपनि राष्ट्रप्रमुखले भने साइतमै टीका लगाउनुपर्ने सोमबार उनले हामीसँग बताए ।

टीका थाप्ने व्यक्ति पश्चिम दिशामा र टीका लगाइदिने व्यक्ति पूर्व दिशामा फर्केर टीका लगाइदिँदा उत्तम हुने पनि पनि उनको भनाइ छ ।

वैज्ञानिकले पत्ता लगाए पहिला अण्डा बन्यो कि कुखुरा ?

By Unknown 12:23:00 AM No comments

पहिला अन्डा बन्यो वा कुखुरा ? यो प्रश्‍न संसारमा धेरैले एक अर्कालाई राख्छन् किनकी धेरैलाई यसको जवाफ थाहा नहुन सक्छ। तर वैज्ञानिकहरुले संसारमा पहिला कुखुरा जन्मिएको र उसले अन्डा पारेको दाबी गरेका छन्।

बेलायती वैज्ञानिकहरुका अनुसार अन्डाको जाँचपछि उनीहरुले कुखुरा पहिला जन्मिएको तथ्य पत्ता लगाएका हुन् ।

वैज्ञानिकहरुका अनुसार अन्डाको बोक्रामा एक विशेष तरिकाको प्रोटिन पाइन्छ र यो प्रोटिन कुखुराको अन्डाशयबाट निस्कन्छ। यसकारण कुखुरा पहिला जन्मिएको थियो।

वैज्ञानिकहरुलाई यो पहिल्यै थाहा थियो कि वोकेल्डिडिन-१७ (ओसी-१७) नामक यो प्रोटीनले अन्डाको खोल बनाउन महत्वपूर्ण भूमिका खेल्छ।

अहिले वैज्ञानिकहरुले नयाँ अनुसन्धान गरेर ओसी-१९ कसरी बन्छ भन्ने पत्ता लगाएका छन्। क्याल्शिय कार्बोनेटसँग ओसी-१७ मिसिएपछि अन्डाको खोल बन्न थाल्छ।by ScotNepal.com

खाद्य संस्थानमा यस्तो छ खसी–बोकाको मूल्य बिहीबार, २० असोज, २०७३

By Unknown 10:32:00 AM No comments

दसैंका लागि राजधानीमा खसी–बोकाको किनबेच सुरु भएको छ ।by image samchar

सरकारी निकाय खाद्य संस्थानले पनि खसी, च्याङ्ग्रा र बोका विभिन्न ठाउँबाट ल्याएर बिक्री सुरु गरेको छ ।

काठमाडौंको थापाथलीस्थित खाद्य संस्थानको कार्यालयमा यतिखेर खसी, बोका र च्याङ्ग्रा किन्न सर्वसाधारणको भीड लागिसकेको छ ।

खाद्य संस्थानले जिउँदो खसी, बोकाको मूल्य २५ किलोग्रामसम्म ४४० रुपैयाँ प्रतिकिलो तोकेको छ ।

यस्तै, २५ किलोग्रामभन्दा माथिको मूल्य भने ४५० रुपैयाँ प्रतिकिलो रहेको छ ।

रेखा थापा मंसिरकै पहिलो साता विवाह बन्धनमा बाँधिन

By Unknown 2:11:00 AM No comments

चर्चित नायिका रेखा थापाले यही मंसिरमै नयाँ घरजम गर्ने भएकीछिन् । एक संचारमा माध्यमसँग करा गर्ने क्रममा नायिका थापाले ‘यही मंसिरमै घरजम गर्ने र त्यसको लागि आवश्यक तयारी भइरहेको बताएकी छिन् ।
हुने वाला पति को हो त भन्ने जिज्ञासामा भने नायिका थापा मौन रहिन । उनले अघि थपिन्,‘नाम अहिले नभनौं, तर उहाँ चलचित्र क्षेत्र बाहिरको मान्छे हो, अरु त विहे पछि थाहा भैहाल्छ नि ।’

हुन त नायिका थापाले यसअघि पनि आफू विगतलाई सम्मान गर्दै अर्को बिहे गर्ने तयारीमा रहेको बताएकीथिईन । चर्चित हाँस्यकलाकार हरिवंश आचार्यले दोस्रो घरजम गरेलगत्तै उनले यस्तो प्रतिक्रिया दिएकीथिईन,‘मेरो पनि चाहना छ, एउटा माया गर्ने श्रीमान् होस्, काखामा वच्चा होस्, रमाईलो परिवार होस्, मिति नै तोक्न त सक्दिन तर अर्को बिहे चाहिं गर्छु ।’

त्यतिमात्रै होईन, उनले छविराज ओझासँग आफ्नो विहे नभएको समेत दाबी गरेकी थिईन । ओझाले नवनायिका शिल्पा पोखरेलसँग यही दशैंको टिकाको साईतमा विहे गर्ने खबर बाहिर आईरहेको वेलामा नायिका थापाले पनि आफूपनि विहेको अन्तिम तयारीमा जुटेको खुलासा गरेकी हुन् । उनका अनुसार विहे भने मंसिरको पहिलो हप्तामै हुनेछ ।bye nayakhabar.com

Beautiful place and new news in World

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title