काठमाडौंको नागार्जुनमा १६ वर्षीया युवती बली दिन अपहरण बली दिन खोज्ने तान्त्रिक पक्राउ

 काठमाडौंको नागार्जुनमा तान्त्रिक विधिद्वारा हड्डी जगाई चामत्कारिक तरिकाले आर्थिक लाभ हुन्छ भनी युवतीको बलि दिने योजना बनाउने एक तान्त्रिकलाई प्रहरीले पक्राउ गरेको छ । तनहुँको ब्यास नगरपालिकाको रुम्सीगाउँ घर भएका ३७ वर्षीय भोजबहादुर थापाले बली दिनका लागि १६ वर्षीया युवतीलाई अपहरण गरेका थिए । उनले २०७२ साउन १४ गते युवतीलाई अपहरण गरी नागार्जुनस्थित घरमा राखेका थिए । साउन ३२ गते युवती त्यहाँबाट भाग्न सफल भएपछि प्रहरीलाई उजुरी गरेकी थिइन्। त्यही बेला देखि फरार थापालाई बिहीबार पक्राउ गरिएको केन्द्रीय अनुसन्धान ब्युरोका एसपी दिवेश लोहनीले जानकारी दिएका छन । उनलाई प्रहरीले बिहिबार पोखराको लेकसाइडबाट पक्राउ गरेको हो। उनीबाट प्रहरीले पुरातात्विक वस्तुहरु समेत बरामद गरेको छ । युवती अपहरणमा संलग्न ओमकार शाह, यामबहादुर रोक्का, छत्रबहादुर राई, हरिबहादुर पुनमगर, उदीमबहादुर पुन र भिमबहादुर भुजेललाई यसअघि नै पक्राउ गरिसकेको पनि प्रहरीले जनाएको छ । पक्राउ परेका थापालाई शरीर बन्धक उद्योग अन्तर्गत कारबाही अगाडि बढाइने केन्द्रीय अनुसन्धान ब्यूरोका एसपीले जानकारी दिएका छन ।by satyakhabar.com